Нурлат кешесе эзләнә

 Нурлат районы эчке эшләр бүлеге Нурлат шәһәре кешесе Рөстәм Кәлимуллинны эзли, дип хәбәр итә Татарстан Эчке эшләр министрлыгы матбугат хезмәте. Ул Нурлат шәһәреннән 1 апрельдә “ВАЗ-21074” автомобилендә чыгып киткән. 12 апрельдә аны Казанда күргәннәр, шуннан соң аның кайда икәнен белүче юк. Рәсемдәге егетне күрүчеләрнең 8(84345) 2-11-25 яки 02 телефоннары аша шалтыратып хәбәр итүләре сорала.