Шүрәле, Су анасы, Акбай...
26 апрель, Габдулла Тукай туган көндә Зәй туган як тарихын өйрәнү музеенда бөек шагыйрь иҗаты белән бәйле экспонатлар алгы планга чыга. Болар – агачтан ясалган Шүрәле сыны, Су анасы һ.б. Музейга килүче балалар шул сыннарны тотып карый, шигырь юлларын искә төшерә.
Быел да Тукай туган көндә Су анасы белән Шүрәле “кунакка килеп”, балаларны сөендерде. Тарагын эзләп керүче Су анасы балалар белән уйнап та алды. Бу көнне музей залы балалар тавышыннан, шат авазлардан гөрләп торды.