Премьер-министр урынбасары Васыйл Шайхразыев Әлмәттә ГТО белән кызыксынды
Бүген Әлмәткә Премьер-министр урынбасары Васыйл Шайхразыев килде. Аның катнашында 16 нчы мәктәп базасында ГТО нормасын тапшыруга багышланган куст киңәшмәсе дә узды.
Кунаклар башта әлеге мәктәптә ГТОның ничек оештырылуы белән танышты. Алар тир, бассейн, спорт залларын карады. Район башкарма комитеты җитәкчесе Айрат Хәйруллин калабызда ГТО тапшыру өчен бөтен шартларның булуын ассызыклады. 14 апрельдә бердәм ГТО тапшыру көне үтте. Анда 15 меңләп укучы норманы тапшырды. Премьер-министр сәламәтлекләре буенча ГТО тапшыра алмаганнарга шәхси программа төзү кирәклегенә басым ясады.