Բիլբաոյում Մոսկվայի «Սպարտակ»-ի ֆաների հետ բախման ժամանակ իսպանացի ոստիկան է մահացել
Իսպանիայի Բիլբաո քաղաքում տեղի «Ատլետիկ» և Մոսկվայի «Սպարտակ» ֆուտբոլային ակումբների ՈւԵՖԱ-ի Եվրոպայի լիգայի 1/16 եզրափակիչի հանդիպմանը ռուսաստանցի երկրպագուների և անվտանգության ուժերի բախման ժամանակ իսպանացի ոստիկան է մահացել: Ոստիկանության տվյալներով՝ մի ռուսաստանցի վիրավորվել է: Հինգ հոգի ձերբակալվել են` երեք ռուսաստանցի և երկու իսպանացի: Երեկ երեկոյան տեղի ունեցած միջադեպը մտահոգություն է առաջացրել, քանի որ մոտ չորս ամիս հետո Ռուսաստանը պետք է ընդունի ֆուտբոլի աշխարհի առաջնությունը: