Аԥсны иамоу аԥсабаратә мазарақәа ируаку- аӡы, Урыстәылаҟа иганы аҭиразы иҟоу алшарақәа ртәы арадио Sputnik аефир аҿы далацәажәеит ҳтәыла аекономика аминистрраҟны иҟоу аҳәынҭқарратә аинвестициатә агентра ахада Инар Гыцба.
Имаӡам иахьа Ҭырқәтәыла инхо ҳџьынџьуаа рыбжьара аԥсуа бызшәа аҭагылазаашьа акырӡа ишхьысҳау. Уи аиқәырхаразы акурсқәа шеиҿкаауагьы, ахархәара азҭо рхыԥхьаӡара рацәам. Ахатәы бызшәа аԥсы ахаҵаразы иҟаҵатәу дазааҭгылоит, 80 шықәса зхыҵуа Ҭырқәтәыла, Адаԥазар ақалақь инхо Фаарықә Аҳмеҭ-иԥа Ажьиба.
Ҳџьынџьуаа Аԥсны ироурц зылшо амедицинатә цхыраара атәы арадио Sputnik Аԥсны аефир аҿы еиҭеиҳәеит аԥсадгьыл ахь ахынҳәразы аминистрра асоциалтә-бзазаратә ҟәша аиҳабы Алиас Нанба.
Аԥсуаа рныҳәара хада Ажьырныҳәеи уи Анцәахәы шыҟалази, иахьа аныҳәа амҩаԥгара иацу аҷыдарақәеи ртәы дазааҭгылоит Нарҭдырреи адәынтәи афольклорҭҵаареи рцентр аҭҵаарадырратә усзуҩы Есма Ҭодуаԥҳа.
Аӡын Аԥсныҟа иаауа аԥсшьаҩцәа ирыдыргало атәы арадио Sputnik аефир аҿы еиҭеиҳәеит акурортқәеи атуризмеи рзы аминистрра аспециалист хада Саид Аршба.
Ашықәс ҿыцаз ирацәахоит агәырӷьаҿҳәашеи ассири. Sputnik аколумнист Аинар Ҷыҭанаа дазааҭгылоит шықәсқәак раԥхьа ахаан ихамышҭыртә ашықәс ҿыц аламҭалазы дзыниаз ахҭысқәа. Урҭ ирыцын аџьашьахәгьы, иҟан агәырӷьаҿҳәашагьы.
Ажьырныҳәа иацу акәамаҵамарақәа, уи аҵагылара азин змази атәы арадио Sputnik Аԥсны аефир аҿы еиҭеиҳәеит Аԥсуаҭҵааратә институт адиректор, афольклорист Арда Ашәба.
14 шықәса раахыс, Ҭырқәтәыла, Адаԥазар ақалақь, Кавказ Ахеидкылақәа Рфедерациа апроект инақәыршәаны ҳџьынџьуаа рхатәы бызшәа дзырҵо Ирфан Ахәаҷба иаҳзеиҭеиҳәеит шықәсык иалагӡаны 30-ҩык рҟынӡа хәыҷи-дуи ирзеиҿкаау хәыда-ԥсадатәи аԥсуа курсқәа ишрылго.