World News in Chechen

Доьзалехь ницкъ а беш, чомахь чу-ара йала ца йитарна йедда хилла Авторханова Лаура Тбилисехь лачкъийна, иза цIа йига гIоьртинера цуьнан гергара нах. И гIуллакх нахала даьллачул тIаьхьа Гуьржийчоьнан полицино хьал листира, йоI гергарчех кIелхьара а йоккхуш. Иштта цIера идарш кест-кеста нисло республикехь. ХIунда тӀеоьцу йукъаралло доьзалехь тӀеӀаткъам бар хила дезарг санна, кӀезиг зударий бен стенна бац и хьал лан кийча- йаздо тхан редакцин материалехь. "Цергашца латта ахкий а, хьайн маре ларде"Маршоне гIортар... Читать дальше...

ТIаьххьарчу шерашкахь Нохчийчохь жигара кхуьуш ду динан Iилма, и хаало цхьа могlа хьуьжарш схьайаоьллуш хиларца а, махка гоьбевлла динан Iилманчаш кхуьйкхуш хиларца а. Делахь а, оцу гIуллакхна тIехьа, муфтиято а, lедало а бечу Iаткъамца доьзна, мел а чолхе политикан а, социалан а аспекташ йу. Цу хьоло кеп-кепара чулацам болу жамlаш стенна кхолладолуьйту экспертийн а, динан гlуллакх дечу нехан а, дуьйцу тхан редакцин материалехь. Динан Iилманан системаЙукъах ца доккхуш бусалба динан Iилма Iамош, цхьаъ... Читать дальше...

Мехкан куьйгалхочун 17 шо долчу кӀантана Кадыров Адамна зуда йалийна той хилира Нохчийчохь дахначу мукъаденошкахь. И даздар дӀадаьхьира шуьйрачу барамехь. Воккхаха волчу Кадыров Ахьмадна а, йуккъерчу Ӏелина а зудайалош хилар официалехь президентца Путин Владимирца цхьаьнакхеттачул тӀаьхьа гIарадаьллехь а, Адам зуда йалош хиларх лаьцна дуьххьара тIечIагIдира цуьнан йишас Ӏайшата.

ТаӀзарш кхочушдаран Федералан урхалло дуьхьало йина Нохчийчохь гIаттамхошца дакъалаьцна ву аьлла, таIзар дина Джантемиров Докка нохчийн набахте дехьаваккха. Оьрсийчоьнан оппозицин политик Немцов Борис верна бехкевинчу Бахаев Хьамзатан аьтто белира цӀенна гергарчу колоне ша дехьаваккхийта. Оцу кепара къестамаш бар стенца доьзна хила йиш йу-те аьлла, и хаттар дийцаредира тхан редакцино эксперташца. Оьрсийчохь Джантемиров Доккина велла дIаваллалц набахтехь йаккха шозза хан кхайкхийра, республика йозуш йоцуш хила луучийн агIонча а хилла... Читать дальше...

Шен могушаллех лаьцна гонаха хезочу къамелийн йуха а тергойина Кадыров Рамзана, цо дIахьедина, шена Дала дуьненчохь йаккха йеллачу хенал а тIехвер вац ша аьлла. ХIора стаг а ву лийр волуш бохура цо. Цо дарж дита тарло, цуьнан могушалла кхин тIе а эшна йогIу бохуш, кеп-кепара хабарш хезош, социалан машанашкахь кIоргера чулацам болу посташ хIитточу йукъанна, эксперташа дийцаредо, Нохчийчоьнан урхалхочун дIахьедаршна бухахь хIун ду-те бохуш. Стигалкъекъа-беттан 26-чу дийнахь Кадыровн социалан машанашкахь... Читать дальше...

Оьрсийчохь йуха а пикеташ дIайаьхьна Седа Сулейманова лачкъор Iедална талла тIедожош. Царех цхьаъ зазадоккху-беттан 20-чохь Соьлжа-гIалахь хIоттийра. Седин доттагIчо Патяева Ленас. Пикете йалале Патяевас видео дIайазйира шен Нохчийчу йаха Iалашонах дуьйцуш.

Нохчийчоьнан куьйгалхочун кIантана, 17 шо долчу Кадыров Адамна рогIера совгIат дина - «Ахмат-Грозный» ОМОН-н декъан некха тIехь лело билгало йу иза. Кхиазхочунна мидалш а, орденаш а, сийлахь цIераш а, даржаш дала буьйлабелира, лецна латточу Журавель Никитина цо йиттинчул тIаьхьа.

Нохчийчоьнан Ӏедалша “кхайкхам бина” республикехь дIакъевлина телеграм схьайаста аьлла. Оцу кхайкхамца вистхилира регионера къоман политикан а, зорбанан а, информацин а министр Дудаев Ахьмад.

Виъ стаг вийна Дагестанехь ницкъахоша, уьш теракт йан кечлуш хилла боху. Официалерчу хаамашца, белларш ДАIИШАН агIончаш хилла, бахарехь Каспийск гIаларчу чоьхьарчу гIуллакхийн министраллин урхаллина тIелатар кечдеш хилла цара.

Австралино а, Керла Зеландис а санкцеш кхайкхийна Нохчийчоьнан куьйгалхочун ненан Кадырова Айманин хьокъехь. Бахьана хилла, формалехь Айманис куьйгалла ден Кадыров Ахьмадан цIарах фонд – Соьлжа-ГIалахь чIагIдарца, цо тIеман хьашташна миллиардашкахь ахча латтийна.