"Оьрсийчоьнан турпалхо" цIе тиллина Шемахь вийначу пилотана 

"Оьрсийчоьнан турпалхо" цIе тиллина Шемахь вийначу Су-25 тIеман кеманан пилотана Флипов Романна. Хьалхо цуьнан дакъа а, кеманан цхьацца дакъош а дIакхачийнера Подмосковье.


Цунах лаьцна хаам бина РБК агенталло, Оьрсийчоьнан тIеман министраллана а, президентан администрацина а тIе а тевжаш. Журналисташкахь болчу хаамца, пилотан дакъа дIаделла Шемарчу тIемалоша, юкъалелаш Туркойчоьнан векалш а болуш.


Оьрсийчоьнан тIеман кема чудаийтинера тIемалоша Идлиб провинцехь. Пилот парашютаца чуиккхинера, амма вийра тIемалошца хиллачу тIематасадаларехь.