ГIалгIайчоьнан куьйгалхо хоржур ву Гезгмашин-беттан 9-хь
Оьрсийчоьнан низамашца а догIуш, республикан Халкъан Гуламехь векалш болчу хIора партино уггаре дукха 3 кандидатура хьажор ю Оьрсийчоьнан президенте харжийта.
Царах кхо стаг а къастийна, президенто кхоже юьллур ю церан кандидатураш республикерчу параментехь. Цул тIаьхьа 20 де далале депутаташ декхарелахь бу цу кхааннах республикан куьйгалхо харжа.
ГIалгIайчохь бахархоша республикан куьйгалхо харжар дIадаьккхина 2013-чу шарахь. Карарчу хенахь ГIалгIайчоьнан куьйгалхо ву Евкуров Юнус-Бек.
Дукха хан йоццуш, кхоазлагIчу ханна а ГIалгIайчоьнан куьйгалхочуьнан даржехь болх бан реза ву ша бохуш вара иза, нагахь шен кандидатура Оьрсийчоьнан президенто Путин Владимира хьалхататтахь.