Венехь яйна 14 шо долу нохчийн йоI

Австрин полицино лоьхуш ю 14 шо долу Шишани Маляк. Цуьнах лаьцна хаам бина Маршо Радион корреспонденте нохчийн диаспоран векалша, йоьIан гергарчу нахана т1е а тевжаш. 


2004-чу шарахь йина йолу Шишани араяьлла кху беттан 13-чохь Iуьранна шаьш дехачу Венерчу петарара. Цу хенахь дуьйна яйна цуьнан лар.


Венерчу полицино дIасадаржийна лоьхуш йолчу йоьIан сурт. 


Цкъачунна Шишани Малякан кхолламах лаьцна кхаьчна бац цхьа а хаам.