Айкханчашна ахча дала бакъо елла чоьхьарчу гIуллакхийн министраллана

Iедалшка къайлах хаамаш бечу (мотт тухучу) нахана лур долчу ахчанан барам билгалбоккхуш Оьрсийчоьнан чоьхьарчу гIуллакхийн министраллан буьйра тIечIагIдина юстицин министралло. Цунах лаьцна яздо "Коммерсантъ" газето. И документ официалан кепара арахецна дац цкъачунна. 


Цу буьйранца а догIуш, зуламхо лохуш низамаш лардон органашна гIо дарна дала лерина ду 50 эзар соьманна тIера 10 миллион соьме кхччалц ахча.


Айкхваьллачунна 3 миллион соьмал сов ахча даларх лаьцна сацам бийр бу чоьхьарчу гIуллакхийн министро. Оьшучу хаамех лаьцна, мах билгал а боккхуш, яздийр ду МВД-н сайта тIехь а, зорбанан гIирсашкахь а.


Хьалха айкхваьллачунна ахчанца совгIат деш дацара Оьрсийчохь. Зуламхо лаца гIо динчу нахана лора МВД-н мидалш а, деза совгIаташ а, штатехь воцчу полицин (милицин) белхахочуьнан кехат а.