lамеркан боксёран Майвейзер Флойдан а, ММА-н чемпионан Нурмагомедов Хьабибан а латар Соьлжа-ГIаларчу "Ахмат-Аренехь" хила тарло Стигалкъекъа беттан 4-хь. Цуьнах лаьцна дуьйцу латархочун дас, Нурмагомедов Абдулманата шен "Известии" хьостаца хиллачу интервьюхь. "Хьабибан а, Майвейзеран а латар хила йиш йолуш ду. Флойд ша зIене ваьлла тхан командица. Шина а агIонна пайдехьа ду иза, иштта бакххийчу инвесторшна а",- тIечIагIдина тренеро. Абдулманатана хетарехь, Флойдан хан тидаме эцча, Хьабибан толам баккха хьелаш дукххо ду. Читать дальше...
Якутерчу лоьмар 1 йолчу колонерчу исс тутмакхо мацалла кхайкхийна, шаьш гIуда тухучу изолятор чу кхийсича. ТаIзарш кхочушдаран федералан урхаллан (ФСИН) сайтехь бина и хаам. Дахначу шинаридийнахь даржийра, ворхI тутмакхо шайн баганаш дIатегна аьлла. Цара протест йинера, шаьш латточу хьелашна реза ца хиларна а, колонин белхахоша шайна еттарна а. Чохь латточийн ца хиллера Iаьнан бедар, гоьнаш ца хиларна шийлачу цIенкъахь бийша декхарийла хуьлура уьш. Царна етташ стаг а вац, мел оьшург йолуш ю церан аьлла, дIахьедина ФСИН-ан белхахоша. Читать дальше...
Оьрсийчоьнан президентан цIарах адамийн бакъонаш ларъян векал йинчу Москалькова Татьянас дехар дина Москох гIалин кхеле, 25 денна а, буьйсанна а лаьцна латточу 77 шо долчу бакъонашларъярхочун Пономарев Леван гIуллакх юха къастор, "гуманизмехь, къинхетамехь, нийсонехь". "Суна хетарехь, цунна таIзар деш, тергоне ца эцна, иза ханна воккха хилар а, могуш ца хилар а, иза юкъаралхо хилар а", - аьлла Москальковас шен официалехь Москохарчу кхеле динчу дIахьедарехь. Пономаревна дуьхьал даьккхина гIуллакх юха а даккхий... Читать дальше...
Соьлж- ГIаларчу "СПИД-на профилактика яран а, цуьнца къийсам латторан а центран" коьртачу лоьро Муртазалиев Хьамзата дуьйцу иммунодефицитан цамгарх а, шаьш цуьнца латточу къийсамах а, тIаьххьарчу шерашкахь иза эшорехь шайн ка яларх а.
Нохчийчохь дац "доьзалан сий лар деш" зударий байар, хIунда аьлча, республикехь оьздангаллех боьхна зударий бац аьлла, дIакхайкхийна мехкан куьйгалхочун пресс-секретаро Каримов Iалвис "Интерфакс" агенталле. Къилбаседа Кавказехь "сий лардо" а бохуш, зударий хIаллакбарх "Правовая инициатива" фондо бинчу талламах лаьцна вистхуьлуш дина цу кепара дIахьедар Каримовс. "Правовая инициатива" фондан векалша динчу зерашца, 2013-чу шарера 2017-чу шаре кхаччалц билгалъяьхначу республикашкахь гергарчара шайн куьйгашца йийна 39 зуда. Читать дальше...
ГIалгIайчоьнан а, Нохчийчоьнан а Iедалхойн бартхилла шина субъектна юкъара посташ дIайохуш аьлла, хаамбина гIалгIайн куьйгалхочо Евкуров Юнус-Бека. Шаьшиннан гIулчца йоллу Къилбаседа Кавказерчу регионашна масал гайта воллу аьлла, билгалдаьккхина ГIалгIайчоьнан куьйгалхочо. "Адамашна юкъахь данне а дац дозанаш. ХIинццалц а санна юкъаметтигаш лелор ю кхин а тIехдика. Доллучух а кхета цхьа хан оьшу, кхиаме гIертар ду-кх вай", - аьлла Евкуров Юнус-Бека. Къилбаседа Кавказан субъекташна юкъара блокпосташ дIаяха еза аьлла... Читать дальше...
Соьлжа-ГIалахь хаьхкина йогIу Мерседес кхечу машенна тIе а тухуш, цу чохь хилла зуда а, йоI а юьйш хиллачу некъан бохамна куьйгбехкениг Шела кIоштан администрацин куьйгалхо, Кадыров Рамзанан шича Ибрагимов Турпал-Iела хилар Iорадаьлла республикехь. Социалан машанашкахь бахархоша пост дIасаяржийна: "Автомобилан долахо чолхечу хьолехь дарбан цIийнехь ву. Ткъа Мерседесан" шоферна зен ца хилла. Нохчийн пачхьалкхан "Грозный" телеканалера хиллачух репортаж ларъеш ду тхо… Ишта сатуьйсу оха Кадыровс ден долчу дIахьедаре а", аьллачу дешнашца. Читать дальше...
ТIаьххьарчу итт шерачохь Нохчийчохь 76 процентехь лаьттина белхазалла 8,3% лахъелла аьлла, дIахьедина мехкан куьйгалхочо Кадыров Рамзана. Кхин а 3-4 шо далахь белхан къоьлла янне а хир яц Нохчийчохь аьлла цо. Еаридийнахь дIаяьхьначу "Инвестируй Кавказ" бизнес-форумехь дина цо и къамел. "Вайн дуьйлалучу хенахь муха дара хьал…Схьаоьцр вай 2007-гIа шо: республикан бюджет 9 миллиард сом, белхазалла – 76 %. ТIаьххьарчу шерашкахь вай юкъаялийна 550 миллиард соьмана инвестицеш, цундела 8, 3 проценте ялийна вай белхазалла тахана", - аьлла Кадыровс. Читать дальше...
Нохчийчохь ларамаза куьйгахь граната а иккхина стаг велла. Иза ву Баса-ГIалара (станица Ильинская, Соьлжа-ГIалин кIошт) вахархо Гайдуков ШаIман. Бохам хилла даханчу кхаарин дийнахь, оцу юьртана гена доццуш охьадогIучу хи тIехь. Шен доттагIца чIара лаца Iалашонца вахана хилла иза цига. Болчу хаамца, хинкеманахь Соьлжехула и шиъ охьавогIучу хенахь, ШаIмана оьккхуьйтург схьа эцна. Дийцарехь, иза хи чу а кхоьссина, чIара къарбан ойла хилла цуьнан. Амма цхьаъ нис а ца делла, граната цуьнан керахь иккхина. Читать дальше...
Екатеринбургехь бизнесхо Арутюнян Ашот веран гIуллакх толлучара тидаме ца оьцу бехкевечу Хасаев Мовсаран алиби хилар а, иза бехке вац бохуш, ден тоьшаллаш а дуьту тергамза аьлла, дIахьедина цуьнан адвокато Абубакаров Жабраила. Хасаевн гIуллакхах информаци шайга дIакхаьчна аьлла, тIечIагIдина адамийн бакъонашкахула йолчу Кхеташонан куьйгалхочо Федотов Михаила. "Оха дехар дина Свердловск кIоштан омбудсмене Мерзлякова Татьяне, оцу гIуллакхан терго яр доьхуш. Мерзлякова нийсоне гIерташ, жоьпалле стаг ю. Читать дальше...