Новости за 15.05.2021

ТIаьххьарчу дийнахь-буса Къилбаседа Кавказехь коронавирусах велла 25 пациент, цомгуш хилла кхин а 268. Iедалера йолчу информацица, Краснодар-махкахь велла COVID-19 цамгар шайца билгалъяьллачех 12 стаг, Ставропол-махкахь – 5, Кхарачой-Чергазийчохь – 3, ГIебарта-Балкхаройчохь – 2, Къилбаседа ХIирийчохь, ГIалмакхойчохь, Нохчийчохь – цхьацца. Верриг керлачу уьнах велларг ву Къилбаседа Кавказехь, офиуиало бахарехь, 9 650 пациент. Уггаре дукха нах белла коронавирусах тIаьххьарчу 24 сахьта чохь Краснодар-махкахь... Читать дальше...

Газа секторерчу Iалашонашна ден тохарш шордеш ю Израил, оцу юкъанна пхьоьалгIачу дийне даьлла Палестинера дIа Израилерчу меттигашна тIе ракеташ кхийсар а. Дуьненан юкъаралло агIонашка конфликт ерзор доьхучу кху муьрехь а дац хьал гIоьртина лаьттачуьра толуш. Израилан премьер-министра Нетаньяху Беньямина Стилкъекъа-беттан 14-чохь дIахьедина, Израилан Iалашо яц цкъачунна радикалийн ХЬАМАС тобанна ден тохарш лагIдан, аьлла. ПIераскана Израилан эскарша 40 минотехь, секторан доза а ца хадош, тIелетарш дIадаьхьина 160 кеманца а... Читать дальше...

Оьрсийчоьнан Iедало Американ Цхьаьнатоьхна Штаташ а, Чехи а язйина шеца гергарлонашкара евллачу пачхьалкхийн могIара. Оцу хьокъехь омра арахецна пIераскана, Стигалкъекъа-беттан 14-чохь. Дуьххьара и термин Оьрсийчоьнан низамашкахь гучуелира Охан-баттахь. ХIетахь президента Путина омра арахийцира "гергарлонехь йоцчу пачхьалкхийн" дипломатин векалташна Оьрсийчоьнан территори тIехь кхечу пачхьалкхийн бахархой балха эцар дехка магош. Оцу документо Чехина магадо Оьрсийчуьрчу векалте 19 стаг балха эца... Читать дальше...

Китайн космосан урхалло хаам барехь, шен исторехь оцу пачхьалкхан духхьара аьтто баьлла шен космосан аппарат кхечу планети тIе охьахаон. Марсан къилбаседанерчу Утопия атагIин къилберчу декъа тIе охьайоьссина "Тяньвэнь-1" аппаратан модуль Стигалкъекъа-беттан 15 –чу буса. Охьахаийначу аппаратца ю Китайн дуьххьарлера Марса тIехула лела "Чжужун" машен. Ялх чкъург йолу, 240 кийла еза "Чжужун" лоьлуьйтур ю Марсан 90 дийнахь – Лаьттан 92 дийннал хан ю иза. Оптикан шиъ а, муьтиспектран цхьаъ камераш... Читать дальше...