საქართველოს ეროვნული ბანკის მიერ 14 აგვისტოსთვის დადგენილი კურსით, ერთი ამერიკული დოლარის ღირებულებამ შეადგინა 2,5694 ლარი. წინა, ოფიციალური კურსი 2,5339 ლარი იყო. ამასთან, საქართველოს ზოგიერთ კომერციულ ბანკში ერთი ამერიკული დოლარის ფასმა 2 ლარს და 66 თეთრს გადააჭარბა, ვალუტის გადამცვლელ პუნქტებში კი 2 ლარი და 62 თეთრია. ლარის კურსის ვარდნას, რომელიც გასულ კვირაში დაიწყო, ანალიტიკოსები უკავშირებენ თურქული ლირის და რუსული რუბლის გაუფასურებით გამოწვეულ უარყოფით მოლოდინს.
