6 საათს გაგრძელდა მალხაზ მაჩალიკაშვილის გამოკითხვა სახელმწიფო უსაფრთხოების სამსახურის შენობაში. მაჩალიკაშვილი სუს-ში დაბარებული იყო ტერორიზმის ხელშეწყობის საქმის ფარგლებში. ამ საქმეზე რამდენიმე პირის მიმართ უკვე დამდგარია განაჩენი. მალხაზ მაჩალიკაშვილის ადვოკატის მარიამ კუბლაშვილი ვარაუდობს, რომ მისი დაცვის ქვეშ მყოფს სახელმწიფო უსაფრთხოების სამსახურში იბარებენ მხოლოდ იმიტომ, რომ მან არ დატოვოს საქართველოს საზღვრები: „მალხაზ მაჩალიკაშვილმა ვერ ნახა სამართალი თავის ქვეყანაში და ის ზაზა სარალიძესთან ერთად მიდიოდა საზღვარგარეთ, სადაც შეხვედრები უნდა გაემართა. მალხაზ მაჩალიკაშვილს დღეს დაუსვეს ბევრი კითხვა. მან დეტალურად ისაუბრა მისი შვილის, თემირლან მაჩალიკაშვილის ცხოვრების შესახებ. მალხაზ მაჩალიკაშვილს კითხავენ იმ საქმეზე, რომელზეც თბილისის საქალაქო სასამართლომ უკვე გამოიტანა განაჩენი, რომელიც მართალია, ჯერ არ არის შესული კანონიერ ძალაში, მაგრამ მთავარია, რომ განაჩენი არის, დაკავებულები არიან პირები. როდესაც ჩვენ ვსვამთ კითხვას, აქამდე რატომ არ მოხდა მალხაზ მაჩალიკაშვილის დაკითხვა, ამაზე პასუხი არ არის. ფაქტია, რომ ეს არ არის ჩვეულებრივი ამბავი. ამის უკან რაღაც არის“.
მარიამ კუბლაშვილის ინფორმაციითვე, მალხაზ მაჩალიკაშვილი მორიგ გამოკითხვაზე დაბარებულია 21 აგვისტოს, 13 საათზე.
2017 წელს, პანკისში სპეცოპერაციის შედეგად სასიკვდილოდ დაჭრილი თემირლან მაჩალიკაშვილის მამა, მალხაზ მაჩალიკაშვილი სახელმწიფო უსაფრთხოების სამსახურში მოწმის სტატუსით დაკითხეს 14 აგვისტოს. მალხაზ მაჩალიკაშვილის დაკითხვა უკავშირდებოდა მისი საჯარო განცხადების საფუძველზე დაწყებულ გამოძიებას. სუს-ის ინფორმაციით, „კონტრტერორისტულ ცენტრში მიმდინარეობს გამოძიება საქართველოს სისხლის სამართლის კოდექსის 18-323 მუხლის პირველი ნაწილით. გამოძიების დაწყებას საფუძვლად დაედო 2018 წლის 31 მაისს, თბილისში, რუსთაველის გამზირზე გამართულ აქციაზე მალხაზ მაჩალიკაშვილის მიერ საჯაროდ გაკეთებული განცხადება იმის შესახებ, რომ მალხაზ მაჩალიკაშვილი შეფიცულებთან ერთად აპირებდა სახელმწიფო უსაფრთხოების სამსახურის შენობაში მისვლას და თავის აფეთქებას.“ მალხაზ მაჩალიკაშვილმა ეს განცხადება გააკეთა ხორავას ქუჩაზე მოკლული მოზარდის, დავით სარალიძის მამის, ზაზა სარალიძის მხარდამჭერ აქციაზე.
Представлен кооперативный геймплей Warhammer 40,000: Space Marine 2
Helldivers 2 studio wants to slow down the pace of updates: 'We feel a slightly lower cadence overall will benefit both us, you, and the game'
Bungie wins a little walkin' around money in first of its kind jury trial against Destiny 2 cheat maker, but the victory will likely make it even easier for game companies to keep taking cheaters to court
Microsoft reckons its new Prism x86 emulation for Arm PCs is as good as Apple's Rosetta
