ჩოგბურთში მსოფლიო ჩემპიონი რაფაელ ნადალი წელს არ ითამაშებს აშშ-ის ღია ჩემპიონატში
ვაჟთა შორის ჩოგბურთის მოქმედმა ჩემპიონმა, რაფაელ ნადალმა გამოაცხადა, რომ არ ითამაშებს 2020 წლის აშშ-ის ღია ჩემპიონატში. ამის მიზეზად მან კორონავირუსი დაასახელა და „ბარბაროსული“ უწოდა პანდემიის გამო შეცვლილ სპორტულ კალენდარს.
„ბევრი ფიქრის შემდეგ გადავწყვიტე, არ ვითამაშო წლევანდელ აშშ-ის ღია ტურნირში“, დაწერა ნადალმა ტვიტერში.
„არასოდეს მინდოდა ამ გადაწყვეტილების მიღება, მაგრამ გადავწყვიტე, ამჯერად ჩემს გულს ვუსმინო და არ ვიმოგზაურო“, განაცხადა მან.
34 წლის ნადალი კრიტიკულად უყურებს ჩოგბურთის საერთაშორისო კალენდარს, რომელიც კორონავირუსის პანდემიის გამო იქნა გადახედული.
აშშ-ის ღია ჩემპიონატი 31 აგვისტოდან 13 სექტემბრამდეა დაგეგმილი. ორი კვირის შემდეგ კი მას მოსდევს საფრანგეთის ღია ჩემპიონატი.
წელს აშშ-ის ღია ჩემპიონატში მონაწილეობას არ მიიღებს არც ნადალის დიდი ხნის მეტოქე, როჯერ ფედერერი, რომელმაც მუხლის ოპერაცია გაიკეთა.
ეს პირველი შემთხვეა იქნება, როცა არცერთი მათგანი არ მიიღებს მონაწილეობას აშშ-ის ღია ჩემპიონატში.
ნადალს 19 გრენდ სლემი აქვს მოგებული და წელს ეძლეოდა შანსი, დასწეოდა ფედერერს, რომლის ანგარიშზეც 20 გრენდ სლემია.
ნადალისა და ფედერერის არყოფნა მსოფლიოს პირველ ჩოგანს, ნოვაკ ჯოკოვიჩს თავისი მე-18 გრენდ სლემის მოგების შანსს უზრდის.