ყაზბეგიდან კორონავირუსით ინფიცირებული ოთხი პაციენტი გადაიყვანეს მცხეთის სამედიცინო ცენტრში
მცხეთის სამედიცინო ცენტრში ყაზბეგიდან კორონავირუსით ინფიცირებული ოთხი პაციენტი შეიყვანეს. მცხეთის სამედიცინო ცენტრის დირექტორის ლიკა მუმლაძის ინფორმაციით, ყაზბეგიდან შემოყვანილი ოთხი პაციენტი ერთი ოჯახის წევრები არიან. მისი თქმით, ისინი დაახლოებით ორი თვის წინ თბილისიდან გაემგზავრნენ ყაზბეგში დასასვენებლად. მათი ჯანმრთელობის მდგომარეობა დამაკმაყოფილებელია.
11 აგვისტოს ყაზბეგში გამოვლინდა COVID - 19-ით ინფიცირებული 5 ადამიანი. ისინი ლარსის გამშვები პუნქტის თანამშრომლები არიან.