მიტროპოლიტი პავლე ალექსანდრე ლუკაშენკოს ძალადობის დასრულებისკენ მოუწოდებს

სრულიად ბელარუსის საპატრიარქო ეგზარქოსი, მინსკისა და სლუცკის მიტროპოლიტი პავლე პრეზიდენტ ალექსანდრე ლუკაშენკოს მოუწოდებს, ქვეყნის ქუჩებში ძალადობა დაასრულოს. აღსანიშნავია, რომ ბელარუსში საპროტესტო აქციების დროს დაკავებული პირების გათავისუფლება დაიწყო.

“ვფიქრობ ალექსანდრე გრიგოლის-ძემ კარგად იცის რა მდგომარეობაა ქვეყანაში. არაფერს არ ვურჩევ, მხოლოდ შემიძლია ვთხოვო, რომ ყველაფერი გააკეთოს, რათა ძალადობამ არ შვას ახალი ძალადობა”, განაცხადა მოტროპოლიტმა.

შეგახსენებთ, ბელარუსში 9 აგვისტოს საპრეზიდენტო არჩევნების წინასწარი შედეგების გამოცხადების შემდეგ საპროტესტო აქციები მიმდინარეობს. ქვეყნის ცენტრალური საარჩევნო კომისიის მიერ გამოქვეყნებული წინასწარი შედეგების თანახმად, მოქმედ პრეზიდენტ ალექსანდრე ლუკაშენკოს ამომრჩეველთა 80,23 %-მა დაუჭირა მხარი, მისმა მთავარმა მეტოქემ, სვეტლანა ციხანოვსკაიამ კი – ამომრჩეველთა 9,9 %-ის მხარდაჭერა მოიპოვა. ოფიციალური მონაცემებით, აქციების დროს 6 700-მდე მოქალაქე დააკავეს, 2 ადამიანი კი -გარდაიცვალა.