გორში კორონავირუსით ინფიცირების შემთხვევა ერთით გაიზარდა
18 აგვისტოს საღამოს გაიზარდა კორონავირუსის შემთხვევების რაოდენობა გორში. კიდევ ერთი მოქალაქის ტესტმა დადებითი შედეგი აჩვენა.
დაავადება კონტროლის ეროვნული ცენტრის შიდა ქართლის ხელმძღვანელმა ეკა ქორჩაშვილმა განაცხადა, რომ ახალი შემთხვევა სამხედრო ჰოსპიტლის ინფიცირებული ექთნის ოჯახის წევრია. ამ ექთანს კორონავირუსი 11 აგვისტოს დაუდგინდა, დღეს, 18 აგვისტოს კი მის ნათესავს.
ეკა ქორჩაშვილი ამბობს, რომ 11 აგვისტოს შემდეგ მოქალაქე თვითიზოლაციის პირობებში იმყოფებოდა. ექთნისა და მისი ოჯახის წევრის კონტაქტი ცნობილია. ისინი 7 აგვისტოს დადასტურებული შემთხვევის კლასტერს წარმოადგენს. 7 აგვისტოს კორონავირუსი სამხედრო ჰოსპიტლის ექიმს დაუდასტურდა.