ვოლოდიმირ ზელენსკი: რუსეთთან კავშირების გამო, რამდენიმე უკრაინულ პარტიას საქმიანობა შეუჩერდა

უკრაინის პრეზიდენტის ვოლოდიმირ ზელენსკის განცხადებით, უკრაინის ეროვნული უშიშროებისა და თავდაცვის საბჭომ საომარი მდგომარეობის დროს მთელი რიგი პოლიტიკური პარტიების საქმიანობა შეაჩერა. „ეროვნული უშიშროებისა და თავდაცვის საბჭომ, ფართომასშტაბიანი ომისა და რუსეთთან ზოგიერთი პოლიტიკური სტრუქტურის კავშირების გათვალისწინებით, მიიღო გადაწყვეტილება საომარი მდგომარეობის ვადით შეჩერებულიყო მთელი რიგი პოლიტიკური პარტიების ნებისმიერი საქმიანობა. კერძოდ: „ოპოზიციის პლატფორმა – სიცოცხლისთვის“; „მემარცხენე ოპოზიცია“; „ჩვენი“; „მემარცხენე ძალების გაერთიანება“; „დერჟავა“; „უკრაინის პროგრესული სოციალისტური პარტია“; „უკრაინის სოციალისტური პარტია“; „სოციალისტები“; „ბლოკი ვლადიმირ სალდო“, – განაცხადა ზელენსკიმ.