Кабулдагы жардыруудан жыйырмадан ашуун киши курман болду

Ооганстандын Ички иштер министрлиги билдиргендей, жардырууну мечит сыртында жанкечти жасаган. Андан кеминде 26 киши мүрт кетип, 18 адам жарадар болду. 


Курмандыктардын көбү жайкын тургундар, ал эми бийлик өкүлдөрүнүн айтымында, алардын саны дагы көбөйүшү мүмкүн.


Жардыруу Ооганстандын борборунун тургундары бүгүн Нооруз майрамын белгилеп жаткан учурда болду. Жанкечти өзүндөгү бомбаны мечитке кирип бара жатып жардырган. (UE)