Новости за 01.07.2022

Кыргызстанда шайлоо мыйзамдарын өркүндөтүү боюнча мекеме аралык жумуш тобу түзүлдү. Борбордук шайлоо комиссиясы (БШК) билдиргендей, топтун курамы 30-июндагы отурумда бекитилди, ага Жогорку Кеңештин депутаттары, Боршайком мүчөлөрү, судьялар, мамлекеттик органдардын, жарандык коомдун өкүлдөрү жана шайлоо мыйзамдары боюнча эксперттер кирди. БШКнын басма сөз кызматынын маалыматына караганда, алар шайлоо укугу жана процесси боюнча анализ жүргүзүп, кеңири талкуунун негизинде сунуштарын иштеп чыгат. ... Читать дальше...

Ирандагы адам укуктарынын абалына байкоо салып келген норвегиялык уюм 29-июнда Караж шаарынын түрмөсүндө он адам жапырт дарга асылганын билдирди. Iran Human Rights уюмунун 30-июнда тараткан билдирүүсүнө ылайык, дарга асылгандардын сегизи адам өлүмү, экөө зордуктоо үчүн кесилгендер болгон. Маалыматка караганда, июндун соңуна чейин эле Иранда 239 кишинин башы алынган. Акыркы айда күнүнө үч кишинин өмүрү кыйылып турган. Укук коргоочулардын пикиринде, Иранда дарга асуулардын 85% жашыруун, коомго жарыяланбастан жүргүзүлөт. Читать дальше...

Ош шаардык милициясы 1-июлда Ош-Араван каналынан дагы бир жарандын сөөгү табылганын "Азаттыкка" билдирди. Шаардык ички иштер башкармалыгы маркум Кадамжай районунун 1995-жылы туулган тургуну А. уулу Б. экенин кабарлады. “Маркум акыркы жолу мындан бир күн мурда Ак-Буура дарыясынын жээгинен жансыз денеси табылган Ш. к А. аттуу кыз менен бирге жүргөн", - деп айтылат милициянын маалыматында. 30-июнда Ош шаарындагы Ак-Буура дарыясынын жээгинен Ош мамлекеттик университетинин медициналык коллежинин 2-курсунун студентинин сөөгү табылган. Читать дальше...

Бишкек шаардык ички иштер башкармалыгы тинтүү учурунда алып кеткен Temirov LIVE каналынын кеңсесиндеги техникаларды кайтарып берди. Бул тууралуу иликтөөчү журналист Болот Темиров “Азаттык” радиосуна билдирди. “Тогуз ноутбук, эки системалык блок анан дисктерди кайтарып беришти. Видео көзөмөл аппарат дагы бар. Буларды сот аркылуу кайтарып алдык. Негизи, далил иштен чыгарылгандан кийин эле берилиши керек болчу”, - деди Темиров. 28-июнда Свердлов райондук соту Temirov LIVE каналынын кеңсесинен далил... Читать дальше...

Жалал-Абад шаарындагы "Таж-Махал" тез татым жайынын шаурмасын жегенден кийин өзүн начар сезгендер 30-июнда ооруканага кайрылган. 1-июлда уулангандардын саны 13кө жеткенин облустук биргелешкен оорукананын башкы дарыгери Кумар Ботокараев “Азаттыкка” билдирди. Анын айтымында, ооруканага кайрылгандардын сегизи амбулатордук жардам алган, бешөө ооруканага жаткырылды. Бейтаптардын абалы туруктуу. Тамактануу жайынын ээси комментарий бере элек. 28-июнда Жалал-Абад шаарындагы “Ага-ини" тез татым жайынан шаурма жегендер ууланган. Читать дальше...

"Кыргызгидромет" кабарлагандай, 2-июлда түнкүсүн жаан-чачын болбойт. Күндүз Ысык-Көл облусунун кээ бир райондорунда, өткүн өтүп, күн күркүрөйт. Абанын температурасы: Чүй облусунда түнкүсүн 16...21, күндүз 30…35; Таласта түнкүсүн 12...17, күндүз 29…34; Баткен, Ош, Жалал-Абад дубандарында ​түнкүсүн 18…23, күндүз 32…37; Ысык-Көл облусунда түнкүсүн 9...14, күндүз 25...30; Нарын облусунда түнкүсүн 9…14, күндүз 25…30; Бийик тоолордо түнкүсүн -2…+3, күндүз 11…16 градус. Бишкекте түнкүсүн жана күндүз жаан-чачын жаабайт. Читать дальше...

Бул тууралуу президент Садыр Жапаров 1-июлда салык кызматкерлеринин күнүнө карата иш-чарада сүйлөп жатып билдирди. Мындай чечим өлкөдөгү ишкерлердин статусун жана беделин жогорулатуу үчүн чыгарылганын белгиледи. Жарлыкка ылайык, “Кыргыз Республикасынын Эмгек сиңирген ишкери” наамын алган ишкерлерге кызматтык паспорт берилип, алар аэропорттордо VIP-залдар, расмий делегациялар жана бизнес залдарда тейленет. Алар ошондой эле президенттин чет өлкөгө болчу иш сапарларында мамлекеттик жана расмий делегациянын курамына кирет. Читать дальше...

Облустук ички иштер башкармалыгы 29-июнда Ысык-Көлдүн жээгинде 18 адам катышкан жапырт мушташка себепкер болгон 34 жаштагы М.Э. райондук соттун чечими 20-июлга чейин камакка алынганын кабарлады.  Башкармалыктын "Азаттык" радиосуна кабарлашынча, көл жээгиндеги "Радуга" пансионатынын пляжындагы жапырт мушташ боюнча Ысык-Көл райондук ички иштер бөлүмүнүн тергөө кызматы тарабынан Кыргыз Республикасынын Кылмыш-жаза кодексинин 280-беренесинин (“Ээн баштык”) негизинде кылмыш иши козголгон. “Алгачкы... Читать дальше...

Энергетика министри Доскул Бекмурзаевге Министрлер кабинетинин төрагасы Акылбек Жапаров оозеки эскертүү берди. Бул тууралуу өкмөттүн басма сөз кызматы маалымдады. Жогорку Кеңеште 29-июнда Министрлер кабинети маалымат берип жаткан чакта энергетика министри Доскул Бекмурзаевдин ишине сын доомат көп айтылган. Парламентте айрым депутаттар энергетика тармагындагы бир катар иштер, берилген тапшырмалар жасалбай жатканын айтып, атайын комиссия түзүп, бул тармакты иликтеп чыгууну сунушташкан. Министр... Читать дальше...

Жогорку Кеңеште 29-июнда Министрлер кабинети маалымат берип жаткан чакта энергетика министри Доскул Бекмурзаевдин ишине сын доомат көп айтылды. Ал тургай атайын комиссия түзүп, бул тармакты иликтеп чыгууну сунуштагандар да болду. Өкмөт өкүлү жагдайды өзү башкарган мекеменин каражаты, мүмкүнчүлүгү чектелүү экени, энергетика тармагында абалдын оордугу менен түшүндүрүп жатат. "Энергетикада акча жок" Парламентте айрым депутаттар энергетика тармагындагы бир катар иштер, берилген тапшырмалар жасалбай жатканын айтып чыгышты. Читать дальше...

Жогорку Кеңеш “Жеке адамдардын мүлкүн ыктыярдуу легалдаштыруу жана мунапыс берүү жөнүндө” мыйзам долбоору биринчи окууга кабыл алынды. Ага 64 депутат “макул”, сегизи “каршы” добуш берген. Анын алдында 30-июнда мамлекет башчы Садыр Жапаров парламентте талаш жараткан мыйзам долбоору жөнүндө пикирин айтып, анын максаты коррупционерлердин арам акчасын адалдоо эмес, чет өлкөдө мүлкүн жашырган ишкерлердин, мурдагы аткаминерлердин акчасын өлкөгө алып келүү экенин билдирген. Жогорку Кеңештин 29-июндагы... Читать дальше...

Соң-Көлдүн Ак-Там жана Жаман-Эчки аймактарынан ар биринин узундугу 100 метрлик 130 тор чыгарылды. Бул тууралуу Айыл чарба министрлиги кабарлады. Учурда “Соң-Көл балык чарбасы” мамлекеттик мекемеси көлдү тазалоо иштерин улантып жатат. 2008-жылы балык кармоого каршы мораторий жарыяланып, 2017-жылы жоюлган. Бирок Ысык-Көл жана Соң-Көлдө, Орто-Токой суу сактагычында балыктын корун аныктоо жана мониторинг жасоо иштеринин бүтпөй жатканына байланыштуу Балык чарба департаменти балык улоого уруксат бере элек. Читать дальше...

Кыргызстанда тыюу салынган “Жамаат ат-Таухид валь-Жихад” террористтик уюмуна каржылык жана башка колдоо көрсөткөн деген шек менен Ош шаарынын тургуну кармалды. Бул тууралуу Ички иштер министрлиги маалымдады. Милиция тараткан маалыматка ылайык, шектүү Сириядагы согуш жүрүп жаткан аймактардагы экстремисттик жана террористтик уюмдарга акча топтоп, которгон. Ал Кыргызстанда жүрүп 2020-жылдан 2022-жылдын май айына чейин банк системалары аркылуу 2 млн. рублдан ашык каражат жөнөткөн. Бул тууралуу Орусиянын Ички иштер министрлиги кабарлаган. Читать дальше...

Социалдык тармактарда Адилет Балтабай деген ысым менен белгилүү блогер, Next TV телеканалынын штаттан тышкаркы кабарчысы Адилет Али Мыктыбек Кылмыш-жаза кодексинин 278-беренеси (“Массалык башаламандыктар”) беренеси боюнча козголгон кылмыш ишинин алкагында кармалды. Бул тууралуу Биринчи май райондук ички иштер бөлүмү маалымдады. Учурда Адилет Али Мыктыбек убактылуу кармоочу жайга киргизилди. Тергөө жүрүп жатат. Милиция блогер кайсы массалык башаламандыкка байланыштуу кармалганы тууралуу маалымат берген жок. Читать дальше...

Кыргызстанда жалпы билим берүү мекемелерине “Диндердин өнүгүү тарыхын” окутуунун предметтик стандарты иштелип чыкты. Стандарт билим берүү мыйзамдарынын нормаларына ылайык түзүлгөнүн Билим берүү жана илим министрлиги кабарлады. “Диндердин өнүгүү тарыхы” окуучуларга диндерди жана алардын мазмуну, коомдук мамилелер, адеп-ахлак, улуттук баалуулуктар жөнүндө түшүнүк берет. Окуучулар диндердин маанисин, алардын азыркы коомго тийгизген таасирин жана тенденцияларын талдоо менен окуучулардын мамилеси калыптанат... Читать дальше...

Фейсбуктагы баракчасында улут аралык кастыкты козутуу, чагымчыл маанайдагы билдирүү жазган деп шек саналып Чүйдүн Москва районунун 52 жаштагы жашоочусу кармалды. Бул тууралуу Чүй облустук ички иштер башкармалыгы маалымдады. “2022-жылдын 3-июнунда социалдык түйүндөргө мониторинг жүргүзүү учурунда милиция кызматкерлери тарабынан Фейсбук социалдык тармагынын колдонуучусунун улут аралык кастыкты козутуучу, чагымчыл мүнөздөгү белгилери бар баракчасын аныкташкан”, - деп айтылат милициянын маалыматында. Читать дальше...