Новости за 22.06.2023

"Азаттыктын" кабарчысынын билдиришинче, Кемпир-Абад иши боюнча сотко алгачкылардан болуп абакта жаткан Жеңиш Молдакматов алып келинди. Бүгүн, 22-июнда Биринчи Май райондук сотунда Кемпир-Абад иши боюнча айыпталгандардын иши боюнча сот алдын ала угуу өткөрөт. Дээрлик сегиз ай бою тергелген Кемпир-Абад иши сотко өткөнү 19-июнда маалым болгон. Ал күнү ушул иш боюнча камалган 16 кишинин абактагы мөөнөтү дагы эки айга узарган. Ички иштер министрлигинин (ИИМ) Тергөө башкармалыгы ишке “жашыруун” деген гриф койгон. Читать дальше...

Бишкекте уруксатсыз курулган көп кабаттуу үйлөрдү мыйзамдаштыруу иши боюнча азырынча эч кандай жыйынтык чыга элек. Мамлекеттик архитектура, курулуш департаментинен 22-июнда “Азаттык” радиосуна билдиришкендей, “иштеп чыгуу жараяны” уланууда. Кыргызстанда мамлекеттик органдардын уруксаты жок курулуп жаткан көп кабаттуу үйлөрдүн саны 87, алардын 34ү (кээ бир маалымат боюнча 35) Бишкекте экени быйыл 21-февралда Жогорку Кеңештин тармактык комитетинде маалым болгон. Мамлекеттик архитектура, курулуш департаментинин... Читать дальше...

Кадамжайда өспүрүм кызды зордуктап өлтүргөн деп соттолгон эки кишинин иши апелляциялык негизде каралмай болууда. Баткен облустук сотунан “Азаттыкка” бүгүн 22-июнда билдиришкендей, жашы жете элек соттолуучунун (2006-жылы туулган) иши 27-июнга белгиленди. Буга чейинки отурумдар анын жактоочусунун жана башка өтүнүчтөр боюнча кийинкиге жылдырылып келди. Экинчи соттолуучунун кылмыш ишин кароо да анын өтүнүчү менен улам башка күнгө калтырылып, кийинки отурум 4-июлга белгиленди. Кылмыш жасаган учурда... Читать дальше...

Бишкекте дээрлик он гектар жерге мамлекеттик ипотека программасы  аркылуу кабат үйлөрдү курууга макул болгон курулуш компаниясы чыккан жок. Кыргызстандын Мамлекеттик ипотекалык компаниясынан (МИК) “Азаттыкка” 22-июнда кабарлашкандай, долбоорго катышууга сунуш келип түшкөн эмес. Сунуштар түшпөгөндүктөн МИКтин тийиштүү башкармалыгына курулуш компаниялары менен сүйлөшүү жүргүзүү тапшырмасы берилгени, бул багытта иш жүрүп жатканы кабарланды. Бишкек шаарынын 11-кичирайонунда көп функционалдуу турак... Читать дальше...

Маданий алакаларды жакшыртуу максатында 1993-жылы Алматы жыйынында түрк тилдүү мамлекеттер түзгөн эл аралык Түрксой уюму быйыл 30 жылдык мааракесин белгилеп жатат. Уюмдун баш катчысы, Кыргыз Эл жазуучусу Султан Раев “Азаттыкка” курган маегинде уюмдун миссиясы, аткарылып жаткан иштери, андан тышкары жалпы эле адамзаттык рухий дөөлөттөр, дүйнөлүк, улуттук адабияттагы, коомдогу тенденциялар тууралуу суроолорго жооп берди. Маектин толук версиясын "Азаттыктын" YouTube каналынан көрө аласыз.

Жогорку Кеңештеги “Бүтүн Кыргызстан” фракциясынын лидери, депутат Адахан Мадумаровду жоопко тартуу маселесине байланыштуу түзүлгөн депутаттык комиссия акыркы чечим чыгаруу үчүн бүгүн, 22-июнда 12:00дө жыйынга чогулат. Бул тууралуу комиссиянын мүчөлөрү Гуля Кожокулова жана Карим Ханджеза "Азаттыкка" билдирди. Эл өкүлдөрү комиссиянын корутундусуна добуш бериле электигин тактады. Аталган маселе алгач Жогорку Кеңештин Координациялык кеңешинде каралып, андан соң пленардык жыйынга чыгарылат. Пленардык... Читать дальше...

Ыш менен күрөшүүдө жыйынтыкка жетишүү максатында Бишкек шаарында эко-полиция түзүү каралууда. Бул тууралуу Бишкектеги жана Чүй облусундагы абанын булгануу көйгөйлөрү боюнча ведомстволор аралык комиссиянын экинчи жыйынында айтылды. Экополиция кандай иштей турганы айтылган эмес. Жаратылыш ресурстары, экология жана техникалык көзөмөл министрлигинин басма сөз кызматы билдиргендей, комиссия Бишкектин четиндеги конуштарды газдаштыруу, жылуулук электр борборун (ЖЭБ) 15 от казанын газга өткөрүү жана коомдук ден соолукту чыңдоочу борборлорду... Читать дальше...

22-июнда Германиянын президенти Франк-Вальтер Штайнмайердин Кыргызстанга расмий сапары башталды. Аны "Манас" эл аралык аэропортунан Министрлер кабинетинин төрагасынын орун басары Эдил Байсалов 21-июндун кечинде тосуп алды. Өкмөттүн басма сөз кызматы билдиргендей, иш сапар алкагында Штайнмайер Кыргызстандын президенти Садыр Жапаровго жолугат. Анда тараптарды өз ара кызыктырган кыргыз-немис өнөктөштүгүн чыңдоо жана мындан ары тереңдетүүнүн актуалдуу маселелери талкууланат. Улуттук статистика комитетинин эсебине ылайык... Читать дальше...