Руки прочь от канала Джупас! Народ не отдаст воду! Жепжутат Алимов Козимжон Носирович при поддержке коррупционеров присвоил канал

Кыргыз Республикасынын Президенти, Коопсуздук Кеңешинин башчысы С.Н. Жапаровго

КР УКМК төрагасы К.К. Ташиевке

АЧЫК КАТ

Урматтуу Садыр Нургожоевич!

Урматтуу Камчыбек Кыдыршаевич!

Кызыл-Кыштак айыл аймагынын Кызыл-Кыштак, Жаңы-Турмуш, Сураташ, Андижан айылдарынын миңдегөн гектар жерлерин Жупас каналы аркылуу сугат суу менен камсыз болот. Кара-Суу районунун Кызыл-Кыштак айыл аймагынын Бешкапа участкасы М. Халматов 7 үйүнөн өткөн Жупас каналынын суу коргоо аймагында Сураташ мектебинин мугалими Козим Алимов КР жер мыйзамдарын одоно бузуп, кызмат адамдары менен алдын ала сүйлөшүп, Кызыл-Кыштак айыл аймагы, Бешкапа участкасы, М. Халматов (Бешкапа) көчөсү 7 үйүнүн аймагын мыйзамсыз кеңейтип, Жупас каналынын эки тарабындагы 6 метр суу коргоо аймагын мыйзасмыз басып, ээлеп, өзүм билемдик менен мыйзамсыз курулуштар - дубал, дарбаза курган (КР КЖК 212 бер., 214 бер.). Жер баскынчысы К. Алимов артында чоң коррупционерлер тургандыктан, К. Алимов депутаттык абалынан аша чаап, мурдагы айыл окмөт башчысы коррупционер Ш. Капаров менен алдын ала сүйлөшүп, басып алган суу коргоо аймагына документтерди жасалмалап, мыйзамсыз Мамакт жасаткан болушу мүмкүн. Эгерде ошондой болсо, сотко доо арыздар берип, ал мыйзамсыз Мамактты жокко чыгарып, кызыл сызыктан чыгып кеткен, канал менен суу коргоо аймагын тоскон, өзүм билемдик менен курулган дубалдан жана мыйзамсыз курулуштардан бошотуп, жерди баштапкы абалга келтируу зарыл.

КР Суу Кодексинин 11 бер. 2 бөл. б) п. ылайык Мамлекеттик суу фондунун мамлекеттик ирригациялык жана дренаждык тутумдарды эксплуатациялоого жана техникалык тейлөөгө арналган жерлерин башкаруу Мамлекеттик суу администрациясынын компетенциясына кирет. Ошондой эле, Жер Кодексинин 92 бер., КР Суу Кодексинин 85 бер.ылайык Суу фондунун жерлери пайдаланууга ажыратуу КР Өкмөтүнүн компетенциясына кирет. Бирок, К. Алимов Мамлекеттик суу администрациясы жана КР Өкмөтү менен макулдашпай “Жупас” каналынын суу фонду жана суу коргоо аймагын дубал менен тосуп алган. Ошондой эле, кызмат адамдары “Жупас” каналынын суу коргоо аймагында дубал тосуп алган К.Алимовго мыйзамсыз курулган дубалды бузуу үчүн мыйзамдуу чаралар көрбөй, кызмат абалынан кыянаттык менен пайдаланышып, функционалдык милдеттерине шалаакылык мамиле жасашкан.

Мыйзамсыз курулуштарга Кызыл-Кыштак айыл өкмөтү Кара-Суу шаардык кеңештин (градосовет), райондук архитектуранын уруксаттары жок. АПУ, ИТУ, долбоордун мамлекеттик курулуш экспертизасы, өрт экспертизасы жана курулушка уруксаттары жок. Мыйзамсыз курулуштарды курууда СНиП талаптары сакталбаган. Жупас каналынын суу фондунун суу коргоо жер тилкеси аймагында жайгашкан мыйзамсыз курулуш-дубал менен дарбаза мамлекеттик жерди мыйзамсыз тосуп, өзүм билемдик менен басып алган. Ижара акысын жергиликтүү бюджетке төлөбөйт, натыйжада мамлекетке өзгөчө ири өлчөмдө зыян келтирген.

Жупас каналынын суу коргоо аймагы мыйзамсыз курулуштар менен тосулганы үчүн Жупас каналында механикалык тазалоо иштерин жүргүзүү мүмкүнчүлүгү болбой жаткандыктан сугат суу менен камсыз кылуу начар абалда.

08.04.2022 ж. “Жер тилкелерин мыйзамсыз басып алуу фактыларынын алдын алуу жана бөгөт коюу боюнча чаралар жөнүндө” КР Президентинин №109 Жарлыгы жана өлкө Президенти С.Н. Жапаровдун мыйзамсыз курулуштарга каршы аёосуз күрөшүү боюнча мамлекеттик саясатын эске алуу менен, Президент С.Н. Жапаровдун жарыялаган гумандаштыруу жана жерлерге мунапыс, жер баскынчысы К. Алимов тарабынан мамлекеттик жерлерди басып алууга, мыйзамсыз курулуштарды курууга, жарандарга жана коомго каршы кылмыш жасоого түрткү катары кабыл алуу зарыл. Мугалим жер баскынчы Алимов Президенттин Жарлыгын одоно түрдө этибарга албай жатат.

КР Өкмөтүнүн 07.07.1995 ж. №271, Кара-Суу райондук мамадминистрациясынын 27.12.1996 ж. №618, Ош шаарынын мэриясынын 18.05.2004 ж. №411 токтомдорунун негизинде “Жупас” каналынын суу коргоо аймагы эки жак жээгинен 6 (алты) метрден бекитилген. Кызыл сызыкка чыгып кеткен мыйзамсыз курулуштарды Кыргызстандын бардык аймактарында бузуп жатышат. Бирок, К. Алимов ал нормативдик укуктук акттарды аткарууну баш тартып жатат. Себеби К. Алимов “Жупас” каналынын коргоо аймагы 3 метр деген “Жупас” СПА атынан катты өзү жазып, катты жасалмалап, СПА жетекчисине кол койдурат. Бирок, ал норма эч кандай укуктук акт менен негизделген эмес. Ошондой эле, К. Алимов каналды үйүнүн жерине кошуп, дубал менен тосуп алган. Ошол эле учурда Ош шаарында Жупас каналынын суу коргоо аймагында жайгашкан курулуштары бузулуп жатат, бузулбагандары боюнча Ош шаардык прокуратурасы сотко доо арыз берип, соттун чечими менен буздуруп жатат. Алимовдун артында чоң коррупционерлер тургандыктан, ал мыйзамдарыбызга баш ийбей, суу коргоо аймагын басып, ээлеп алуу үчүн токтомдорду жасалмалаган болушу мүмкүн.

Ошондуктан Ош шаарына Мамкурулуштун жетекчиси Н. Орунтаев өзү келип, К. Алимов кызыл сызыктан чыгып, мыйзамсыз курган дубалды (Сабиров көчөсү тараптан) буздуруп, каналдын суу коргоо аймагын ачуусу зарыл болуп жатат. Себеби, Кыргызстан боюнча Н. Орунтаев гана К. Алимовдун артында турган чоң коррупционерлердин айтканын кыбайт, пара албайт, мыйзам чегинде иштеп, КР Президентинин саясатын ишке ашырат.  Жогорудагылардын негизинде Сизден суранабыз:

1. Алимовду жана анын артындагы коррупционерлерди КР КЖК 337 бер. 1 бөл., 338 бер. 1 бөл,, 379 бер. 3 бөл., 346 бер. 1 бөл., 212 бер. 4 бөл., 214 бер. менен кылмыш жоопкерчилигине тартып, коомдон изоляциялап, камап, мүлктөрүн конфискациялап келтирген зыянды өндүрүп берүүнуздү

2. Кызыл-Кыштак айыл аймагы, Бешкапа участкасы Миралимжан Халматов (Бешкапа) көчөсү №7 үйү Жупас каналынын суу коргоо аймагында курулган мыйзамсыз курулуш дубалды буздуруп, суу коргоо аймагын ачып, баштапкы абалга келтирип, сотко доо арыздар берүүнуздү.

3. Алимовдун артында чоң коррупционерлер тургандыктан, Мамкурулуш жетекчиси Орунтаевди Ошко жөнөтүп, кызыл сызыктан чыгып кеткен дубалды буздуруп, каналды ачып берүүсүн.

4. Кызыл-Кыштак айыл өкмөтү берген жасалма документтерди жокко чыгарып берүүнүздү.

5. Жер баскынчысы К. Алимовду чоң коррупционерлер крышевать кылгандыктан, тергөөнү Башкы Прокуратурасы жана УКМК борбордук аппаратына тапшыруунузду

6. Мугалимдик статусун бузганы үчүн жана депутаттык мандатынан жеке кызыкчылыгы үчүн пайдаланган араб тили адистигине ээ К. Алимовду депутаттык мандатынан ажыратуу үчүн БШК кайрылуунузду жана мектептен иштен алуунузду.

К. Алимов басып алган суу коргоо аймагы боюнча кылмыш жоопкерчилигине тартылбай, кустурулбаса, анын башка мыйзамсыз аракеттерин кийинки арызда жазууга аргасыз болобуз.

Жепжутат К. Алимовдун курмандарынан, 17.04.2024 ж.