Соңку күндөрү нөшөрлөп жааган жамгырдан улам Кыргызстандагы бир нече айылдарды сел каптады. Ош облусунун аймагында өзгөчө кырдаал режими киргизилди. Ишемби жана жекшембидеги селден аймакта бир киши каза таап, дагы бир киши чагылган тийип көз жумду.
Британиянын тышкы иштер министри Дэвид Кэмерон Кыргызстандын президенти Садыр Жапаров баштаган бийлик өкүлдөрү менен жолукканда эки өлкөнүн кызматташтыгы, демократия, жарандык коом жана бейөкмөт уюмдар тууралуу да сөз кылганын “Азаттык” радиосуна берген эксклюзивдүү интервьюсунда айтты.
21-апрелде жааган жаандан кийин Жалал-Абаддын Аксы, Сузак, Базар-Коргон, Ала-Бука, Токтогул райондорунда жана Жалал-Абад шаарында 50дөй үйдүн короосун сел каптады. Өзгөчө кырдаалдар министрлиги сел жүргөн аймактар тазаланып жатканын, азырынча чыгымдар тактала электигин билдирди.
22-апрелде Кыргызстанда жана дүйнөдө эмне болду? “Азаттык” күндүн башкы жаңылыктарын тизмектейт.
2024-жылдын жаз мезгили дүйнөнүн ар кайсы жерлеринде болуп көрбөгөндөй суу ташкыны жана сел менен коштолууда.