Два дена по Цетиње, средба на Вучиќ со патријархот Порфириј

Претседателот на Србија, Александар Вучиќ, денес се сретна со патријархот на Српската православна црква (СПЦ), Порфириј, објавено е на Инстаграм профилот на Вучиќ. Освен фотографии од средбата, други детали не се објавуваат.

Устоличен Јоаникиј на Цетиње во тензични услови

„Заедно со српскиот патријарх г -дин Порфириј. Заедно во завршувањето на храмот Свети Сава, од неговата Светост, но и во желбата да научиме многу за грижата за нашиот српски народ, за напорите да се врати вербата на луѓето дека со работа, труд и искреност можеме да промениме се на подобро, пишува на Инстаграм профилот на Вучиќ.

Загриженост во ЕУ поради случувањата во Црна Гора

Ѓукановиќ за случувањата во Цетиње – Срам за владата на Црна Гора и за СПЦ

Средбата меѓу Вучиќ и Порфириј се одржа два дена по устоличувањето на Црногорско-приморскиот митрополит на СПЦ, Јоаникиј. Тој беше устоличен од патријархот Порфириј на 5 септември во манастирот во Цетиње, а церемонијата на устоличување беше проследена со ангажман на силни вооружени полициски сили поради протестите во кои беа повредени околу 60 лица.

Вучиќ коментирајќи ги настаните во Цетиње на 5 септември, кажа дека „целата заслуга за устоличувањето на Црногорско-приморскиот митрополит на СПЦ Јоаникиј и припаѓа на Владата на Црна Гора“ и додаде српската тајна полиција била само некој кој собира информации и ги доставува до надлежните органи.“