روسیه به د سوريې په اډو کې دايمي حضور لري
د روسیې دفاع وزیر سرګئی شویګو وايي، روسيه په سوریه کې په خپلو دوو پوځي اډو کې پر دايمي حضور کار کوي.
شويګو نن د سې شنبې په ورځ «د ۱۳۹۶ کال د مرغومي په ۵ ۰» وويل چې د روسیې ولسمشر ولادیمير پوتين تېره اوونۍ د دغو اډو د کارکوونکو تشکيل او چوکاټ تائید کړی دی.
په همدې حال کې د روسیې فدراسيون شورا نن هغه قانون تصويب کړ چې له مخې يې د سوريې د ولسمشر بشار الاسد او مسکو تر منځ د موافقې پر اساس په طرطوس اډه کې د روسي ځواکونو د ځای پر ځای کېدو اقدام تائيدوي.
دا موافقه په دمشق کې د جنورۍ په اتلسمه نېټه لاسلیک شوې وه.
د موافقې له مخې روسي ځواکونه د تخنیکي او لوژستيکي نظره خپله اډه پراخولای شي.
دا موافقه د ۴۹ کلونو لپاره شوې او د نورو ۲۵ کلونو لپاره د تمديد امکان لري.