روسیه وايي د مسکو په ترافیکي پېښه کې یوازې ۳ تنه ټپیان شوي
دغه وزارت وايي په پېښه کې يوازې درې کسان ټپيان شوي دي.
دغه وزارت په اعلاميه کې ويلي چې په پېښه کې څوک مړه شوي نه دي.
يوازې د ټپي شويو کسانو خبر تائيد شوى دى.
د مسکو پوليسو ويلي، د مسکو په شمال ختيځ کې ټکر هغه وخت وشو چې يو موټر له بس سره ټکر شو او بس له تمځاى سره ولګېد.
د مسکو ښاروال سرګي سوبيانين نن وويل، د پېښې په اړه يې د تحقيقاتو امر کړى دى.
تر دې مخکې پوليسو په پېښه کې د دوو کسانو د مړينې خبر ورکړى و.