چارواکي: د بدخشان په ارګوی کې د وسله والو پر ضد عملیات دوام لري
په شمال شرق زون کې د پامیر شلمې فرقې ویاند ډګرمن غلام حضرت کریمي نن دوشنبه ازادي راډیو ته وویل چې د «کوکچه ۱۷» په نوم دا عملیات تېره ورځ سهار مهال د هوايي ځواک په ملاتړ پیل شوي چې لا هم دوام لري.
د ښاغلي کریمي په وینا، تر اوسه په دې عملیاتو کې افغان ځواکونو او ولسي خلکو ته زیان نه دی اوښتی او وسله وال کسان له کوم مقاومته پرته له سیمې د تېښتې په حال کې دي.