په کونړ کې د ۳ کسانو د مړینې او د ۹ د ټپي کېدو خبر ورکړل شوی
د کونړ د روغتيا رئيس ډاکټر عزيز الرحمن ساپي یکشنبه ازادي راډيو ته وويل چې له دې جګړې تر اوسه درې مړي او ٩ تنه ټپيان وروړل شوي دي.
هغه وويل چې وژل شوي او ټپيان ټول سرتېري دي.
د ازادۍ راډيو خبريال وايي، جګړه نن سهار پيل شوې چې اوس هم په ديوه ګل دره کې روانه ده.
د کونړ د امنيې قوماندانۍ مطبوعاتي مسؤل شېر ولي خان ويلي، جګړه هغه وخت پيل شوه چې د داعش ډلې وسله والو د پاڅونوالو پر ځينو پوستو حمله وکړه.
د دولت کومې مخالفې ډلې په دې اړه تبصره نه ده کړې.