د کرنې او مالدارۍ وزارت د اوبو لګولو ۱۴۹ شبکې جوړوي
د کرنې او مالدارۍ وزارت ویاند اکبر رستمي نن دوشنبه «۱۳۹۶ کال د سلواغې ۰۲» ازادي راډیو ته وویل چې دغه پروژې د راتلونکي مالي کال تر پایه د څه باندې یو میلیارد او ۶۰۲ میلیونه افغانیو په ارزښت جوړېږي چې لګښتیې د کرنې او مالدارۍ وزارت لهخوا ورکول کېږي.
ښاغلی رستمي وايي، د دغو شبکو په جوړېدو سره له ۲۵ سلنې نه تر ۳۰ سلنې پورې کرنیز محصولات زیاتېږي او هم به د اوبو له ضایعاتو ۲۵ سلنه مخنیوی وشي.
دی دغهشان وايي، د اوبو لګولو د شبکو په جوړېدو سره بزګران کافي او پر وخت اوبو ته لاسرسی پیدا کوي چې دا د دوی د محصولاتو د کیفیت له ښه کېدو او اقتصاد سره مرسته کوي.