ځایي چارواکي: په ايټالیا کې ۴ بهرني اتباع په ډزو ټپیان شوي
چارواکي وایي، یو مشکوک کس په دې تړاو نیول شوی دی.
د ایټالیا دولتي ټلویزیون ویلي چې مشکوک یو سپین پوستی ایټالیایي وګړی دی چې د راپورونو له مخې، د نیول کېدو پر مهال یې د ایټالیا بیرغ پر غاړه تاو کړی و.
پولیس وایي چې په نښه شوي کسان ټول بهرني دي چې سیمه ییزې رسنۍ یې افریقایي کډوال بولي.
راپورونه وایي، دا ډزې د ښار په څو برخو کې شوي دي.
ددغه ښار ښاروال د ټوېټر له لارې له خلکو غوښتي چې په خپلو کورونو کې و اوسېږي.