د والیبال او کورش فدراسیونونو لپاره نوي رئیسان وټاکل شول
د افغانستان د بدني روزنې د ریاست د معلوماتو له مخې، د بېلا بېلو فدراسیونو لپاره د نویو رئیسانو د ټاکنې په لړ کې محمد ناصر نوري د والیبال او سید محمود دشتي د کورش د فدراسیون د رئیس په توګه و ټاکل شول.
د افغانستان د بېلا بېلو ورزشي فدراسیونونو انتخابات له تېرې يوې میاشتې راهیسې په کابل کې د افغانستان د بدنې روزنې د ریاست تر څار لاندې روان دي چې په بشپړېدو سره به یې د المپيک د ملي کمېټې د ریاست انتخابات هم ترسره شي.