د روسیې پارلمان نن دیمیتري میدویدیف د صدراعظم په توګه ټاکي
پوتین پرون په رسمي توګه د یوې بلې شپږ کلنې دورې لپاره د ولسمشر په توګه لوړه وکړه او له هغې څو ساعته وروسته یې د پارلمان ولسي جرګې ته د تائید لپاره میدویدیف د صدارعظم په توګه ور وپېژاند.
په دوما کې د پوتین د متحدې روسیې ګوند چې میدویدیف یې مشر دی، نفوذ لري.
د روسیې د اساسي قانون له مخې کله چې د نوي ولسمشر دنده پیلېږي، حکومت باید ړنګ شي.
۵۲ کلن میدویدیف په ۲۰۰۸ کال کې د پوتین له خوا چې د اساسي قانون له مخې یې ټاکلی حد یعنې د ولسمشرۍ دوه دورې پوره کړې وې، د ولسمشرۍ څوکۍ ته ورسېد.
پوتین بیا په ۲۰۱۲ کال کې له میدویدیف سره چې هغه ته وفاداردی، څوکۍ بدلې کړې.
پوتین ولسمشر شو او میدویدیف هم د صدراعظم په توګه وټاکل شو.