د مولانا جلالالدین بلخي په هوايي ډګر کې ۲ قاچقچیان نيول شوي
د مولانا جلال الدین محمد بلخي د هوايي ډګر د پولیسو قوماندان خان محمد مطمئن د سې شنبې په ورځ رسنیو ته وویل چې دې دوو تنو د هیروئینو ۳۶ کېپسولونه په خپلو خېټو کې ځای پر ځای کړي وو او غوښتل يې هند ته یې قاچاق کړي چې پولیسو ونيول او تر نيولو وروسته يې عدلي او قضايي ادارو ته وسپارل.
د یادونې وړ ده چې په تېرو څو اوونیو کې د هوايي ډګرونو له لارې بهر ته د نشهيي موادو قاچاق ډېر شوی چې یوازې په تېرو درېیو اوونیو کې نېږدې ۲۰ تنه په قاچاقو کې د لاس لرلو په تور نیول شوي دي.