هند او ازبکستان ویلي په افغانستان کې د ثبات له ټینګښت سره مرسته کوي
صدراعظم ناریندرا مودي پرون، دوشنبه د اکټوبر۱، په نوي ډيلي کې له شوکت میرضیایف سره په خبري غونډه کې وویل چې په افغانستان کې امن د ټولې سیمې او نړۍ په امنیت او ثبات پورې تړلی دی.
په نوي ډيلي کې په دې خبري غونډه کې د ازبکستان ولسمشر وویل:
"موږ په افغانستان کې روانې جګړې ته دقیقه کتنه کړې ده او د دې سترې ستونزې په اړه زموږ ګډ دریځ دا دی چې پوځي حل نه لري، سولې ته یوازې د افغانستان د حکومت او د حکومت د مخالفو وسله والو ډلو ترمنځ د ډيالوګ او سیاسي مذاکرو په مرسته رسېدلائ شو."
دا په داسې حال کې ده چې د افغانستان او پاکستان یوشمېر دیني عالمان په اسلام اباد کې په افغانستان کې پر امنیت او د سولې د ټینګښت پر لارو ږغېدلي دي.