افغان غوره لیګ: د بلخ او ننګرهار لوبډلې نن په خپلو کې لوبېږي
دا شل اورېزه لوبه به د افغانستان په وخت مازیګر څلور نیمې بجې د متحده عربي اماراتو په شارجه لوبغالي کې پیل شي.
تردې مخکې د بلخ لوبډلې په تېرې لوبې کې پکتیا لوبډلې ته ماتې ورکړې ده او د ننګرهار لوبډلې بیا د پکتیا لوبډلې له خوا ماتې خوړلې ده.
د تیرې شپې لوبه چې د کابل او کندهار ترمنځ وه، کابل وتوانېده چې په وروستي اوور کې ۱۵۳ ټاکلی هدف پوره کړي.