د میدان وردګو په چک کې ۱۰ طالبان او ۳پولیس وژل شوي
د میدان وردګ د والي ویاند عبدالرحمن منګل نن آزادي راډیو ته وویل چې تېره شپه وسله والو طالبانو په چک ولسوالۍ کې پر یو شمېر امنیتي پوستو ډله ییز برید وکړ چې د امنیتي ځواکونو د مقاومت په نتیجه کې بېرته تر شا شول.
ښاغلی منګل وایي، دغې جګړې یو ساعت دوام وکړ.
افغان چارواکي د طالبانو هغه ادعا ردوي چې وایي، د تېرې شپې په برید کې دریو امنیتې پوستو سقوط کړی دی.