واشنګټن: روسيې يو نوى منځ واټنه اټمي توغندی جوړ کړى

د امريکا متحدو ايالتونو د ملي امنيت سلاکار د روسيې تورونه چې ګواکې امريکا د اټومي وسلو د کنټرول له يوه تړون څخه د وتلو په خبرداري له مسکو څخه د باج اخيستنې هڅه کوي، رد کړل.


 


خو واشنګټن وايي روسيې يو نوى منځ-واټه اټومي ميزاييل جوړ کړى دى.


راپورونه وايي جان بولټُن پرون ناوخته د روسيې د بهرنيو چارو له وزير سرګي لاوروف سره په مسکو کې تر بحثونو وروسته په دې اړه تبصره وکړه.


د امريکا ولسمشر ډونالډ ټرمپ تېره شنبه اعلان وکړ، چې په پام کې لري د ١٩٨٧م کال د منځ-واټنه اټومي وسلو د کنټرول له تړون څخه ووځي.


ښاغلي ټرمپ تور ولګاوه، چې روسيې له کلونو راهيسې له دغه تړون څخه سرغړونه کړې ده.