په کندز کې د څښاک د اوبو د یوې لويې پروژې کار پیل شو

په کندز کې د کليو د بیارغونې او پراختیا ریاست چارواکي وايي چې دوی د دې ولایت د مرکز رستاق‌اباد په سیمه کې د څښاک د اوبو رسونې د یوې لويې پروژې کار پیل کړی چې په بشپړېدو سره به‌یې څه باندې ۷۰۰ کورنۍ د څښاک له پاکو اوبو برخه‌منې شي.


د کندز د کلیو د بیارغونې او پراختیا رئیس دوست محمد ریحان ازادي راډيو ته وویل چې د دغې پروژې مالي لګښت چې څه باندې ۸ میلیونه افغانیو ته رسېږي، د یونېسف مؤسسې له‌خوا ورکول کېږي او د کار چارې یې د کلیو د بیارغونې او پراختیا ریاست له لوري پر مخ وړل کېږي.


د رستاق‌اباد کلی د کندز ښار جنوب لوري ته موقعیت لري چې له جوړېدو یې کابو ۲۰ کاله تېرېږي.