چارواکي: په کنړ کې د داعش یو غړی وژل شوی او ۴ نور نیول شوي دی
د کونړ د امنيې قوماندانۍ ویاند فریدالله دهقان د جمعې په ورځ ازادي راډیو ته وویل، تېره شپه ګډو ځواکونو د څوکۍ ولسوالۍ په دیوه ګل کلي کې عملیات کړي چې په نتیجه کې يې د داعش ډلې یو مشر وژل شوی او ۴ کسان يې نیول شوي دي.
فریدالله دهقان وویل، په یادو عملیاتو کې ولسي وګړو ته مرګ ژوبله نه ده اوښتې.
داعش ډلې تر اوسه پورې د دې عملیاتو په اړه څه نه دي ویلي.