افغان چارواکي: په تخار کې د طالبانو یوه برید لس افغان سرتیري وژلي

افغان چارواکي وايي، په تخار ولایت کې د طالبانو په یوه برید کې لس افغان سرتیري او ۷ پولیس وژل شوي دي.


د تخار د پولیسو مشر عبد الرشید بشیر نن رسنیو ته وویل، دا برید پرون ناوخته د دې ولایت په خواجه غار ولسوالۍ کې شوی دی.


نوموړي ویلي دي چې د افغان ځواکونو او وسله‎والو ترمنځ دې جګړه کې ۱۲نور سرتېري ژوبل شوي دي.


د تخارد پولیسو مشر وايي، وسله‎والو ته هم په‎دې جګړه کې درانه تلفات اوښتي دي، خو هغه يې شمېره ښکاره نه‎کړه.