صالح محمد محمدي د کابل د سنوکر ټاکنیزو سیالیو اتلولي خپله کړه
د افغانستان د بدني روزنې ریاست د معلوماتو له مخې په دغو سیالیو کې د کابل ولایت د بېلابېلو کلبونو نه ۶۴ لوبغاړو ګډون کړی وو.
د کابل ولایت د سنوکر په ټاکنیزو سیالیو کې صالح محمد محمدي لومړی، رئیس خان سنیزي دوهم، نادرخان سلطاني درېیم او صدیقي څلورم مقام خپل کړ.
دغه سیالۍ اته ورځې وړاندې په کابل کې پېل شوې وې چې هدف د کابل ولایت لوبډلې ته د غوره څېرو ټاکل وو.