لا هم پاکستان ته د پُنبې صادروونکو شااوخوا ۱۰۰ موټر بندې پاتې دي
د افغانستان د متشبثینو د بورډ مشر رحمالدین حاجي اغا نن ازادي راډيو ته وویل چې له دې اړخه افغان سوداګر هره ورځ یو لک او ۶۰ زره افغانۍ زیان ویني.
نوموړی وايي، که دولت دغې ستونزې ته رسېدنه ونهکړي، نو پُنبه تولیدوونکي به له سلګونه زره افغانیو زیان سره مخ شي او شااوخوا درې زره کسان به هم بېکاره شي.
د راپورونو له مخې، پاکستان له تېرو څو میاشتو راهیسې دغه هېواد ته د پُنبې واردات بند کړي دي.
افغانستان هر کال پاکستان ته ۵۰ مټریک ټنه پُنبه صادروي او دغه هېواد په سیمه کې د پُنبې يو له سترو صادروونکو هېوادونو څخه دی.