د انتخاباتو کمېسون: ممکن د کابل د ټاکنو نتیجه په خپل وخت اعلان نشي
د انتخاباتو د خپلواک کمېسون مرستیال ویاند ذبیح الله سادات نن جمعه ازادي راډیو ته وویل، دوی هڅه کوي چې د رأیو شمېرل په پوره شفافیت وشي او حق حقدار ته ورسېږي.
بل لور ته پر انتخاباتو د څار بنسټونه وايي، د مرکز کابل او د ولایتونو انتخاباتي کمېسونونو له ستونزو سره مخ دي او دا مسئله کولای شي چې د کابل او ولایتونو د انتخاباتو د پایلو پر اعلان منفي اغېز وکړي.
تر دې مخکې د انتخاباتو خپلواک کمېسيون ویلي وو چې د کابل د ټاکونو نتایج به د قوس په لسمه اعلان کړي.