الېس ویلز: جنیوا کې د افغانستان په اړه وروستی بیان ډېر مهم و
الېس ویلز هم په جنیوا کې د افغانستان په اړه په نړیواله غونډه کې ګډون درلود.
هغې نن، پنجشنبه د نومبر۲۹مه، په بروکسل کې د ازادي راډیو له خبریال سره په ځانګړې مرکه کې وویل:
"د نړۍ نېږدې ۶۰ هېوادونو موقع پېدا کړه چې سره را ټول شي او له افغانستانه خپل ملاتړ څرګند کړي."
هغې وویل چې د جنیوا د غونډې پیغام دا و چې هېڅ څوک له افغانستانه نه لېرې کېږي، بالعکس ټول په افغانستان کې سوله او ثبات غواړي.