د برېښناني تذکرو یو شمېر کارکوونکو اعتراض: له میاشتو معاشونه نهدي راکړل شوي
د افغانستان د احصائيې ملي ادارې د برېښنايي تذکرو د وېش یو شمېر کارکوونکي وایي که څه هم مخکې یې هم شکایتونه کړي، خو له تېرو درې میاشتو راهیسې میاشتني امتیازات نهدي ورکړل شوي.
دوی چې د دې ادارې د «اېن ټي اې» برخې تخنیکي کارکوونکي دي شمېر یې سلګونه کسانو ته رسېږي.
د دې ادارې غړي عبدالصبور له ازادي راډیو سره په خبرو کې وویل، سره له دې چې معاشیې نهدی ترلاسه کړی، څوکیې په دې برخه کې غږ هم نهاوري.
ښاغلی صبور زیاتوي: "شاوخوا درې میاشتې کېږي چې معاش مو نهدی اخیستی، د کار فشار هم زیاد دی، بل یو شخصي قانون چې دلته دی هغه دا دی چې کارمند د ناروغۍ او یا هم د یو بل ضرورت لپاره رخصت نهشي اخیستلی، موږ حیرانه پاتې یو چې څه ډول خپل غږ ورسوو، دفتر ته د راتک پېسې هم نهلرو."
د دې ادارې بل کارکوونکی احمد، هغه هم له ازادي راډیو سره په خبرو کې ورته شکایت لري.
نوموړی وايي، له کار څخهیې کلک څار کېږي، خو معاشیې نهدی معلوم.
دی وايي: "شااوخوا درې میاشتې کېږي چې معاش مو نهدی معلوم، ډېرو ستونزو سره مخ یو، په ورځني ډول له ۲۰۰ څخه تر ۲۵۰ پورې مراجعین راځي، د بایومټریک لپاره خو د معاش هېڅ څرک نهلیدل کېږي."
د برېښنايي تذکرو وېش په دې وروستیو کې په افغانستان کې د پراخېدو په حال کې دی ان تر دې چې د احصائيې ملي اداره وايي په ورځني ډول زرګونه کسان بایومټریک کېږي.
په ورته وخت کې د افغانستان د احصائیې ملي ادارې ویانده روئینا شهابي وايي، د ټولو کارکوونکو معاشونهیې په وخت ورکول کېږي او له ټاکلي وخت څخه زیات کار په هېڅ چا نهکېږي.
اغلې شهابي وویل: "موږ داسې موارد نهلرو چې د چا معاش څو میاشتې پاتې وي، مګر دا چې د حاضرئ مسئله وي او کوم کس باندې قانون پلې شوی وي، اداره په هېڅ صورت دا خبره نهمني چې موږ په خپلو کارکوونکو له ټاکلي وخت څخه زیات کار وکړو."
دا په داسې حال کې ده چې شااوخوا یوه میاشت وړاندې هم د احصائیې ملي ادارې د «اېن ټي اې» برخې شااوخوا ۷۰۰ کارکوونکو د ۵ میاشتو د معاشونو د نه ترلاسه کولو په هدف کاري اعتصاب کړی و.
له هغې وروسته چې په دې اړه ځیني راپورونه خپاره شول، د شااوخوا ۷۰۰ کارکوونکو د درې میاشتو معاشونه له کوچني اختر مخکې ورکړل شول، خو د دوو میاشتو یې لاهم نهدي ورکړل شوي.