استانبول کې لسګونه لاریون کوونکي نیول شوي

د ترکیې په استانبول ښار کې نن په لسګونه  لاریون کوونکي هغه وخت ونیول شول، چې د زیاتېدونکي انفلاسیون په اعتراض لارو سړکونو ته راووتلي وو.


یوه محلي ټلویزیون د پولیسو تصویرونه وښودل چې په تقسیم میدان کې له  لاریون کوونکو سره لاس و ګرېوان شوي او هغه  لاریون کوونکي چې لاسونو ته یې ولچکونه اچول شوي، د پولیسو موټرو ته خېژوي.


دیميرورین خبري اژانس وايي، ۳۰ کسان د استانبول بشیکتاش او ۲۲ په شیشلي کې نیول شوي دي.


د استانبول د والي دفتر بیا وايي، ۱۶۴ کسان د غیرمجاز لاریونونو پر مهال نیول شوي دي.