د افغانستان د فوټبال تر ۱۶ کلونو کشره لوبډله نن قرغيزستان کې سيالي کوي

ټاکل شوې ده چې د افغانستان د فوټبال تر شپاړسو کلونو کشره لوبډله د منځنۍ اسیا د شپاړس کلونو لوبډلو په اتلولۍ کې نن دقرغیزستان له لوبډلې سره مخامخ شي. 


د افغانستان د فوټبال فدراسیون ویندوی فیروز مشعوف په دې اړه ازادي راډیو ته وویل: 

"د منځنۍ اسیا تر ۱۶ کلونو د کشرو لوبډلو د اتلولۍ مسابقې به نن پیل شي او د افغانستان د فوټبال تر ۱۶ کلونو مشره لوبډله به لومړۍ مسابقه له قرغیزستان سره وکړي او دا مسابقې به د مې میاشتې تر ۱۸ پورې دوام وکړي."


ده زیاته کړه، دا سیالۍ د ایران، ازبکستان، تاجکستان، قرغیزستان او افغانستان تر ۱۶ کلونو د کشرو لوبډلو په ګډون کېږي. 


د تاجکستان پلازمېنه دوشنبې ښار د دغو سیالیو کوربه دی.