روسي محکمې د سياسي فعال اندري بويار شينوف د بند موده غځولې
دغه فعال په ټروریزم کې په دخالت تورن شوی دی.
بویارشینوف په اوکراین کې د روسیې د غیر موجه یرغل د مخنیوي غوښتنه کړې ده.
د دغه فعال مدافع وکیل، ریم سیبیروف زادۍ راډیو ته وویل، محکمې نن امر وکړ، چې د ده موکل د اګست میاشتې تر ۱۸مې تر محاکمې مخکې په بند کې وساتل شي.
دی د مارچ میاشتې پر ۱۸مه په عامه د تروریزم د ملاتړ او د ټروریزم د توجیه کولو په تور توقیف کړای شو.