هرات: زرګونه مېرمنې د ورېښمو د توليد په کارو بار بوختې دي
د دې خونې مرستیال توریالي غوثي نن ازادي راډيو ته ویل، دا مېرمنې د هرات په انجیل، کرخ، ګوذرې او زنده جان ولسوالیو کې د ورېښمو په کاروبار کې مصروفې دي.
ښاغلی غوثي وايي، دا مېرمنې له ورېښمو خولۍ، نېکټايي، بوټ، رومال، لباس او چپن جوړوي چې په مناسبه بیه یې بازار ته وړاندې کوي.
که څه هم ښاغلي غوثي د ورېښمو د ارقامو په اړه جزئیات ور نه کړل خو وې ویل چې سږ کال د ورېښمو تولید ډېر شوی دی.
ښاغلي غوثي دا هم وویل چې د ورېښمو ډېر تولیدات بهرنیو هېوادونو ته صادرېږي.